गणित ...त्रिकोण व त्रिकोणाचे प्रकार

➤➤➤➤➤➤➤➤➤➤  त्रिकोण व त्रिकोणाचे प्रकार   ➤➤➤➤➤➤➤➤➤➤ 

➽ त्रिकोण :-तीन नैकरेषीय  बिंदू रेषाखंडानी जोडून तयार होणाऱ्या बंदिस्त आकृतीला  त्रिकोण असे म्हणतात .

त्रिकोणाचे शिरोबिंदू ,बाजू व कोन यांना त्रिकोणाचे घटक असे म्हणतात .त्रिकोणाला ३ शिरोबिंदू ,३ बाजू व ३ कोन असतात .

➽➽ त्रिकोणाचे प्रकार :- कोनावरुन   पडणारे  प्रकार  

१) लघुकोन त्रिकोण - ज्या त्रिकोणाचे तीनही कोन लघुकोन  असतात ,त्या त्रिकोणाला लघुकोन त्रिकोण असे म्हणतात ....

२) काटकोन त्रिकोण - ज्या त्रिकोणाचा एक कोण काटकोन असतो ,त्या त्रिकोणास काटकोन त्रिकोण असे म्हणतात .

३)विशालकोन त्रिकोण - ज्या त्रिकोणाचा एक कोन  विशालकोन  असतो ,त्या  त्रिकोणास  विशालकोन त्रिकोण असे म्हणतात .

➽➽ बाजूवरुन पडणारे प्रकार  

१)समभूज त्रिकोण -ज्या त्रिकोणाच्या तिन्ही बाजू समान लांबीच्या असतात ,त्या त्रिकोणाला समभूज त्रिकोण असे म्हणतात.

२)समद्विभूज त्रिकोण -ज्या त्रिकोणाच्या दोन बाजू समान लांबीच्या असतात त्या त्रिकोणाला समद्विभूज त्रिकोण असे म्हणतात.

३)विषमभूज त्रिकोण -ज्या त्रिकोणाच्या तिन्ही बाजू असमान लांबीच्या असतात , त्या त्रिकोणाला  विषमभूज त्रिकोण असे म्हणतात.